小南國 (已結業)

本来系想去食煲仔饭既，但人实在太多，等唔到啦，所以转軚。朋友问我想食乜，我就谂起小南国。去过几间分店，最钟意北京道1号呢间既环境，够宽敞，又够静，所以久不久都来 每次来都见到餐牌有新菜式，咁先有新鲜感食唔厌 有呢个新既小食，个样好得意，冷盘黎，外面据职员所讲系豆腐皮，入面系荠菜。其实我唔知荠菜系咩味，但试过唔太啱我 有阵怪怪地既味，加上冻好怪，可能我食唔惯啦！朋友都唔太受，所以要麻烦侍应收走佢 小笼包今次无咁juicy，不过一样皮薄！次次都会叫 我好钟意食呢个稻草肉，黎2次大概会点1次，因为佢半肥瘦加上酱汁，包住个包仔特别夹！ 呢味云耳滑斑块，系够滑，不过有啲腥，好彩个汁搭救，未至于食唔到，但有少少失望呀！ 甜品有酒酿桂花水晶汤圆，好好食！ 好清甜，又唔漏！ 至啱我呢啲成日叫住减肥既人，食左无咁内疚 朋友点左南瓜饼，我都食左件，新鲜整起又香口又唔太甜 同朋友食饭最重要系坐得舒服，倾下偈又唔会催人走，真系一个好既落脚点！ 下次睇下又有咩新嘢食先！