渣哥一九九六 (已結業)

啱啱同阿肥食咗一个好甜嘅下午茶,虽然已经有啲饱滞不过都想食番小小咸嘢缓和吓,一谂就谂到不如齐齐笃番串鱼蛋啦。 喺铜锣湾区,如果唔想食龙津嘅话,呢间渣哥已经系比较有名气喇,我都知佢系谭小环一手创立,都有留意过新闻话佢都付出咗唔小努力去建立呢档生意,开咗冇几耐我都一直冇试过,就系好怕呢种明星效应明过于实...但最近见佢喺不同地区都开咗分店,而都继续有人支持,咁应该一试无妨。 行到去门口见店舖除咗卖鱼蛋之外,原来都仲有好多其他小食同埋连台式饭都做埋,睇嚟要赚钱真系要多元化吸引客户,见佢鱼蛋卖$10蚊八粒,都唔算过份贵丫,一于就同阿肥一人一串,我要辣,佢要唔辣。 试过之后,真心觉得佢个辣汁系做得几出色同埋够惹味嘅,亦都有佢自己嘅character唔同普通旺角扫街𠮶种辣汁味,之但系鱼蛋嘅口感实在拉低哂佢嘅分数喇,口感唔弹牙,咬开比较粉,唔系鲜𠮶种鱼蛋,如果店舖可以换一换货源,可能会较好。