影片
更多
2024-02-05
18 浏览
呢间日式居酒屋位于尖东海旁，喺南洋中心上一层电梯，位置唔算太显眼，采用怀旧昭和木系风格装修，满满嘅和式风味！提供多款唔同嘅日式料理，刺身、串烧同一品料理都有，仲会以多款时令食材入馔，经常都会有隐藏新菜式！餐厅有卡位同日式包间，比人一种好温馨嘅感觉，仲有唔少名人到访过！呢间居酒屋啱晒一大班朋友嚟，想食返几串饮吓清酒都唔错！-——————————————每位客人会先上一份前菜，系明太子八爪鱼，口感好爽脆好食！🍣◖刺身拼盘◗ $380居酒一定唔少得刺身，呢间嘅刺身厚切又鲜甜，仲有啲飞机鱼可以拣！可以叫厨师发办拼盘，厨师会拣返啲时令嘅刺身，今次呢个拼盘就有生蚝、深海池鱼、鲜八爪鱼同鳕鱼白子拼𩽾𩾌鱼肝，够新鲜质素都唔错！个池鱼同八爪鱼有惊喜，池鱼入口口感够爽；八爪鱼仲有啲吸盘位置，超脆口！仲有鳕鱼白子，比较少机会食到，味道唔腥好creamy，正！🥜◖花生豆腐◗ $58佢嘅前菜小食款式都几吸引，见呢个个名咁特别，试一试佢！口感好滑溜，成嚿豆腐咁，但花生嘅香味都几浓郁，仲有少少甘甜，好食好特别！除咗一品料理同刺身卷物，另一个主打就系佢嘅日式烧物，正常居酒屋价格，胜在款式够特别而且品质有保证，下面有啲
餐厅有卡位同日式包间，比人一种好温馨嘅感觉，仲有唔少名人到访过！呢间居酒屋啱晒一大班朋友嚟，想食返几串饮吓清酒都唔错！
-——————————————
每位客人会先上一份前菜，系明太子八爪鱼，口感好爽脆好食！
🍣◖刺身拼盘◗ $380
居酒一定唔少得刺身，呢间嘅刺身厚切又鲜甜，仲有啲飞机鱼可以拣！可以叫厨师发办拼盘，厨师会拣返啲时令嘅刺身，今次呢个拼盘就有生蚝、深海池鱼、鲜八爪鱼同鳕鱼白子拼𩽾𩾌鱼肝，够新鲜质素都唔错！个池鱼同八爪鱼有惊喜，池鱼入口口感够爽；八爪鱼仲有啲吸盘位置，超脆口！仲有鳕鱼白子，比较少机会食到，味道唔腥好creamy，正！
🥜◖花生豆腐◗ $58
佢嘅前菜小食款式都几吸引，见呢个个名咁特别，试一试佢！口感好滑溜，成嚿豆腐咁，但花生嘅香味都几浓郁，仲有少少甘甜，好食好特别！
除咗一品料理同刺身卷物，另一个主打就系佢嘅日式烧物，正常居酒屋价格，胜在款式够特别而且品质有保证，下面有啲价钱参考返～👇🏻
💕烧鱿鱼一夜干 $68
💕烧猪天梯 $58
💕烧和牛小排 $298
💕鸡软骨串 $22
💕青椒仔豚肉卷串 $32
💕鸡颈肉 $78
欣赏佢呢度竟然有啲罕有部位嘅串烧，好似猪天梯、鸡颈肉呢啲，唔系到处都有，而且口感味道都做得唔错，必试！其他好似和牛小排、鱿鱼一夜干亦都烧得好香！
🥗◖五目炒什菜◗ $78
炒杂菜有椰菜、彩椒、芽菜、洋葱呢啲，炒得几有镬气，食少少菜烧一烧滞都唔错！
🍜◖海胆浓汤松叶蟹稻庭乌冬◗ $198
乌冬上枱仲系热辣辣，里面个汤头橙黄色，质感黏稠，浓浓嘅清酒同鲜味！配料有松叶蟹脚同五大只蚬，食落特别鲜甜，稻庭乌冬挂晒汁，索晒啲海胆浓汤，一个唔小心成碗连汤都清晒！
🌟 Encore指数：9.1/10
张贴
