金禾茶餐廳 (已搬遷) 新店位置

肥髀停课，带埋佢出去湾仔睇牙，之后去食个港式早餐，呢间之前未食过，搭枱坐在圆枱！地方光猛干净，纸皮石装饰好怀旧！普通茶餐厅格局！我食港式早餐A:火腿通粉、煎双蛋多士、热柠茶！通粉汤底好浓鸡汤味！通粉弹牙！火腿丝正常！双蛋我要求熟蛋，所以较老！多士值得一赞，香脆之外，牛油搽匀，金黄色！好正！热柠茶茶底香浓唔涩！唔错！肥髀食轻食早餐！火腿肠仔煎双蛋配多士！最有趣系肠仔一边切开扮八瓜鱼！卖相好得意！多士一样香脆！店员服务勤快！好爽手！值得欣赏系有八达通比钱！免于找赎！一个舒心早餐！一日好的开始！