安安燒 (鯉景大廈) (已結業)

今日去柴湾做野, 做完野就同同事去揾食. 柴湾本身都无咩好食, 我地就过咗去筲箕湾揾食, 揾揾下见到安安烧, 两人就决定系度食喇.呢间安安烧食物大致同旺角个间差不多, 但舖头楼底比较高同埋有露天位坐, 最方便系门口可以停车 (当然系泊街), 我同事今日驾车, 泊咗系门口, 我地就坐室外方便睇住架车.听日放假, 我地就叫咗两杯Hoegaarden 啤一啤去. 今日叫咗佢地个烧鸡泡鱼同烧鱼翅做头盘送啤酒, 鸡泡鱼干都算几厚, 而甜甜地够晒烟韧香口, 而烧鱼翅个口感就唔同D, 会干身少少但就会香D, 两者作为小食都几唔错!野食方面, 今日同朋友都叫咗好多肉, 烧鸡翼好Juicy 好入味, 而鸡肾, 鸡软骨, 鸡腿肉串就烧到好香脆好惹味, 烧海中虾就好有鲜味, 今日仲叫咗D麻辣野食, 有麻辣水鱿同牛骨髓, 佢d麻辣做得几香, 系川式带有少少麻个D味道, 而辣度又好啱港人口味唔会过辣, 所以呢两款都几好食!