影片
更多
2018-09-05
28 浏览
小弟喜爱食串烧, 去亲外地旅游, 例如泰国、台湾、日本, 都会去串烧店或者街边串烧揾食。我一直都觉得, 香港其实有潜力发展港式串烧, 奈何之前「串烧」一直系香港饮食界未有咩势力。但经过今日, 我feel到呢股「串烧」势力已经渐渐起革命了。系Openrice搜寻过, 发现到呢间港式串烧店, 于是约埋几个朋友一齐去食下。一打开佢张餐单, 目不暇及, 好多款选择。店员出于礼貌, 原本推荐我们试试佢地的套餐, 话有刺身好抵食。但因为我地的原意系食串烧, 于是都系唔食套餐, 散叫算, 而且真系有好多好多款食物选择。除了正常串烧会有的肉类、蔬菜之外, 呢度仲有烧海鲜食, 好吸引呀! 另外, 店家一开始会每人送上一个酱料盘, 入面有三款, 包括类似食泰式生虾的酸辣汁、粗盐、以及酱酒等等, 好贴心。今次我同朋友们都完全无节制咁狂点食物, 而家一一为大家介绍: 1. 墨汁墨鱼肠 ($15/条): 又粗又大又饱满的墨鱼肠, 唔好以为睇落去黑色好似好核突咁, 但食落真心弹牙又够香, 好有口感的肠。 2. 烧猪颈肉 ($38一份): 呢度系X2的份量, 因为原本我地以为系一串上得两三旧, 点知原来系盘上, 所
我一直都觉得, 香港其实有潜力发展港式串烧, 奈何之前「串烧」一直系香港饮食界未有咩势力。
但经过今日, 我feel到呢股「串烧」势力已经渐渐起革命了。
系Openrice搜寻过, 发现到呢间港式串烧店, 于是约埋几个朋友一齐去食下。
一打开佢张餐单, 目不暇及, 好多款选择。店员出于礼貌, 原本推荐我们试试佢地的套餐, 话有刺身好抵食。但因为我地的原意系食串烧, 于是都系唔食套餐, 散叫算, 而且真系有好多好多款食物选择。除了正常串烧会有的肉类、蔬菜之外, 呢度仲有烧海鲜食, 好吸引呀! 另外, 店家一开始会每人送上一个酱料盘, 入面有三款, 包括类似食泰式生虾的酸辣汁、粗盐、以及酱酒等等, 好贴心。
今次我同朋友们都完全无节制咁狂点食物, 而家一一为大家介绍:
1. 墨汁墨鱼肠 ($15/条): 又粗又大又饱满的墨鱼肠, 唔好以为睇落去黑色好似好核突咁, 但食落真心弹牙又够香, 好有口感的肠。
2. 烧猪颈肉 ($38一份): 呢度系X2的份量, 因为原本我地以为系一串上得两三旧, 点知原来系盘上, 所以黎到有咁大碟。不过我地相信, 就算叫一份, 份量都一定好够4个人食。呢度的猪颈肉非常爽口, 烧得好香, 加上泰式酱汁伴碟, 反而真心好似泰式烧猪颈肉咁, 抵赞。
3. 腐乳鸡串 ($22/串): 当你以为会好重口味咩!? 又唔系wor, 闻落去好香的味道, 但食落去一D都唔会咸, 唔会重口味, 只有淡淡的腐乳味。而鸡肉亦烧得唔错, 有肉汁, 唔会干身。
4. 鸡软骨($15/串): 略带咸味, 唔会淡而无味, 加上烧得够透, 软骨爽口。
5. 脆卜卜鸡皮($15/串): 固名思义啦, 好似食薯片咁脆, 咬落去真系「索索」咁声架。不过本人会略嫌烧得太干, 无左鸡油香味。
6. 厚切牛脷($58/串): 初初睇餐牌, 觉得牛脷都咁贵既。但当上碟之后, 就明白佢系贵得有价值。真系非常厚切, 但烧出黎绝对唔韧, 非常爽口, 够哂Juicy又充满牛味。
7. 芥末冻鲍片($48/份): 食咁多热气野, 当然要黎一份冷盘啦。鲍片爽口新鲜, 但留意芥末味好强, 第一啖入口劲「攻鼻」, 我自己无咩所谓, 但唔食得芥末的朋友要留意呀。
8. 熊本一口牛($38/串): 望落去烧得唔错, 有牛味, 亦有肉汁, 唔会烧得过熟而韧。但系估计系俺的时间唔够耐, 略嫌唔够咸味, 比较清淡的。
9. 烧白鳝串($58/串): 呢个系餐厅的推荐菜式, 果然名不虚传。首先, 食鳝最怕有泥味, 呢度完全没有。其次, 食鳝又怕多骨, 呢度亦处理妥当, 唔会多骨。虽然经过烧烤, 但竟然可以做到皮脆有肉汁, 鱼味突出。个人认为质素真系好好。
10. 烟肉芝士大蘑菇($38/份): 身为芝士控, 点可能会放过任何芝士类的食物呀。讲真, 成餐饭我最期待的就系呢道菜。新鲜烧烤的芝士大蘑菇, 一切开, 望住流质的芝士, 外皮香脆内里溶化, 这是完全令人难以抗拒的食物。而且呢度烧烤的功夫很好, 绝对无将大蘑菇烧干, 相反大蘑菇依然Juicy无比, 呢个配搭真系无得输!
11. 烧蒜蓉包($22/一份四件): 又系一样令人难以抗拒的食物。呢度的蒜蓉包除了搽了蒜蓉酱外, 亦额外加上蒜蓉系包上面, 再经适当的烧烤, 个阵蒜蓉的香气顿然爆发开来, 真系会令人感到好幸福的美食。
呢间串烧店, 有诚意、有质素, 价钱亦尚算公道。最重要系食物选择种类多之余, 极大部分的质素都非常好, 唔会过咸或过淡, 而且师傅烧烤的功夫亦到家, 无一样食物你会觉得烧过龙。真心希望香港会有更多的烧烤店, 系香港饮食界发展出一股势力出来!
张贴
