牛魔王清湯腩咖喱專門店 (已結業)

牛魔王清汤腩咖哩专门店邻近元朗大棠道轻铁站，位置方便，一落轻铁行几步就到。我见呢度既有咖哩食，又有牛腩食，一于试下。咖哩薯仔崩砂腩河粉原来分开上，同平时食开一碗过好唔同。因为汤分开关系，所用既咖哩系平时配饭果种，个人觉得冇咁好，咖哩过于浓稠，香料味唔太重，有啲似港式咖哩，加上河粉比较淡，变左咖哩汁捞河粉怪怪地口感。河粉薄既程度一般，唔太差，都可以算滑。最好食应该系崩砂腩，油脂分布平均带点爽口，份量中规中矩。