屋台 (已搬遷) 新店位置

今日系实习嘅第三日第一日食咗餐平嘅但系唔好食，谂住今日可以奖励吓自己，不过呢一间野又系有少少令人失望。今日行过，见到呢一间出边有人排队等外卖，谂住应该都好唔错，所以就同我两位朋友一齐入咗去食，睇一睇个Menu五十几$60喺湾仔区来讲都算系咁，我哋嗌左咖喱猪扒饭、将烧豚肉饭、同埋将烧鸡扒饭，佢仲可以加配小食，我哋嗌左鲭鱼、同埋软壳蟹沙律。首先讲一讲软壳蟹沙律，真系非常之令人失望，上枱嘅时候竟然系霖！完全都唔酥脆，同埋佢下层嘅沙律酱真系好抢晒啲味道；前菜方面就系中华沙律，呢啲海草类嘅嘢不过不失啦；至于我朋友食嘅将烧鸡扒同埋将烧豚肉饭，两位食客都话味道可接受，不过佢哋男人老狗希望个饭可以大少少，而我嘅咖喱猪扒饭猪扒炸得好酥脆，咖喱汁亦都好够，对于佢个饭我系满意嘅。其实讲到最尾最大嘅败笔就系个前菜，其他嘢都可以接受；不过有一点想睇嘅就系佢嘅枱好细，我哋三个人食都有啲论尽。