蘭芳園 (已結業)

见咁耐冇嚟兰芳园，有哟挂住呢度嘅烧味，今日一于再同同事嚟食先！入到嚟，我都唔洗点谂食啲咩，一定系食佢出名嘅烧腩仔。上次就试咗烧腩仔濑粉， 今次一于试下佢嘅捞面先。食物：叫左碗肥叉烧腩仔捞面，嚟到见捞面份量比想像中细，但系烧味嘅份量又出奇地多，不过其实食到最后都够哂饱。入返正题，呢度啲烧腩睇过卖相就知正，啱哂我，外皮够脆 ，而且肉质又够肥，食落啲油香正到呢！ 不过除咗烧腩仔，呢度嘅肥叉亦都唔错，首先真系够晒肥，但肥得嚟肉质又鲜嫩，茶记嚟讲真系超晒班！