珍苑麵家 (已結業)

为食妹喺中学时代好钟意去呢间港式粉面店，但系咁多年来珍苑都非常有个性的，钟意开就开唔开就唔开永远都唔通知一声，虽然有时都会被闹爆，但第二日街坊又会继续帮衬。自从佢转左去新铺，由二代去继续经营，开门既日子较规律，虽然地方冇咁就脚，怀念这种味道的时候都会再去帮衬。好钟意佢哋个汤底，大地鱼味非常浓郁，次次小妹都会饮晒，而不口干回味无穷，虽然而家新铺汤头比较淡但系都好味。第二回味就系佢地嘅辣椒油，不过依家已经转用独立包，唔系自家制嘅辣椒油啦。先食佢嘅鸡全翼，卤水汁香鸡肉嫩滑，唔会有雪味，维持一贯水准。再黎系食个云吞，虾肉肥肉猪油渣比例刚好，唔使大大粒好似乒乓波咁，一口一啖，啖啖回味。如果水饺拼云吞嘅话系有成八粒（4+4）咁多，唔会似其他店双拼少两粒非常抵食。佢嘅水饺同埋猪手鱼蛋都系非常有水准，胃口有限所以下次再嚟帮衬啦，良友仔有空可以过嚟一试。小妹唔食牛，但朋友话牛腩牛筋牛丸米粉系佢嘅粮尾之选哈哈，价格相宜又好味嘅良痁