La Parole (已結業)

午餐有唔少选择，不过都系牛扒、猪扒、鱼、鸡、意粉。款式都系一般港式西餐厅嘅大路款式同埋口味，冇咩特色或者新鲜感嘅选择。价钱由250至340左右。环境都算坐得宽敞同埋空间感充足。「菠菜忌廉汤配鹌鹑蛋及西班牙火腿丝」味道正常，有一粒鹌鹑蛋，但又唔会为个汤带嚟唔同层次嘅味道。中间有少量嘅火腿丝，令到个汤有少少咸香味。整体嚟讲，冇咩令人有特别感觉嘅汤。「西班牙黑毛猪」黑毛猪七成熟，味道正常。唔会话特别香甜，比较冇咩味。配以少量嘅黑醋酱，同埋苹果酱，赋予一啲酸酸甜甜嘅味道。餐仲有绿茶雪糕或者慕丝做甜品。环境： ★★★☆☆ 食物： ★★★☆☆ 推介指数： ★★★☆☆