Cyprium Cafe

营业中

休息中

之前见过好多食评都话呢一间嘅质素一般，今日经过见到佢嘅午餐都唔算贵，就谂住平平哋去试下。餐厅座位都坐得几舒服，午餐选择都算多，我哋分别叫咗美国谷饲豚肉扒配薯菜及香煎龙利柳配薯菜午餐包沙律、汤、饮品及甜品，个餐系全个餐一齐上嘅，用托盘装著，感觉有啲似茶餐厅而且食物望落去质素都系非常一般，呢个价格可能就系呢一种食物质素罢了香煎龙脷柳以为叫鱼应该会比较稳阵，点知嚟到啲鱼超级腥有雪藏味，虽然好大块，但系好难食薯菜系薯角，炸得唔够香脆，比较生咁，都系一般。另外，汤有轻微诚意，唔系完全沟出嚟，有啲蘑菇碎，但系个汤偏咸，味道都非常一般。沙律菜反而唔错，沙律够新鲜，配麻酱。甜品方面，有朱古力蛋糕，呢个我觉得几好食，但系就偏甜。 最抵嘅系餐饮加8蚊可以转特色咖啡，我哋拣咗rose latte及hazelnut latte咖啡好饮。Rose latte有玫瑰香味咖啡味，而且唔算甜，所以几好饮。hazelnut latte唔会太甜，咖啡味都系好香，所以呢度咖啡真系唔错。另外，美国谷饲豚肉扒有3小块，肉质几林，但系偏咸，但还可以接受。午市价钱唔贵，午餐都包几多食物，不过呢个食物质素都唔会再嚟喇。