聚鳥亭

营业中

休息中

星期五晚，去左尖沙咀新开既日式火锅店。一开始店员就会拎定酱料架比你，各式各样酱料咩都有，仲有柚子酱油。先黎叫左个盐渍鲍鱼，好爽口，好开胃。去到发现原来呢到系有鸡煲食架。所以一黎就叫左港式风味鸡煲(半只)，我唔太食得辣，见到呢到既鸡煲有得简唔辣，真系太好。鸡煲原先已经炒熟炒热左，所以一上，就可以食。鸡件嫩滑，酱汁浓味，特别系D洋葱都吸晒汁!本身仲以为好似港式食法，食完鸡煲，原锅倒汤打边炉。但呢到系再转另一个锅，今日简左日式鸡白汤，汤底有D浆口，感觉好浓郁既鸡汤味! 澳洲M5和牛板腱油花分布均匀，肉质软嫩得黎富有弹性，特色是中间有一条嫩筋，碌完之后，口感香弹、更有层次! 娃娃菜永远都会系打边炉时出现，好吸汁好好食。今次仲叫左蟹籽丸! 食得超级饱肚。