農耕記 湖南土菜 (東港城)

营业中

休息中

呢间餐厅试业其间所有菜式半价，日日都大排长龙，我都八卦睇下系咩餐厅，原来系辣嘅湖南菜，我唔食得辣即系唔关我事啦。前排奥运会商场搞活动，用点算换游戏券送两张农耕记coupon，满300可以减100，每次可以用一张。我又心郁郁想试下呢间新餐厅，睇下餐牌原来都有几款唔辣或走辣嘅菜式，即刻打电话订枱即晚就去食。当日都有好多人排紧队，我哋有订枱好快就安排到座位比我哋，餐厅食辣为主当然会有阵比较浓少少嘅气味，职员都好有礼貌，上菜好快，食物都唔错嘅。扣减现金券两个人食咗五百左右。食评推荐嘅蒜蓉粉丝虾仁，上菜后要煮到个沙漏流完就可以开盖，虾肉新鲜，粉丝都几惹味。果木脆皮烤鸡，对我嚟讲真系太瘦喇，鸡脾位都有啲似鸡胸咁。油豆腐炆拆骨肉(走辣)，油豆腐好味嘅，原来拆骨肉系炆到离骨同碎嘅肉，所以基本上无肉，有啲油腻。招牌蝴蝶鱼(免辣)，肉质都几新鲜，有少少爽口。咸蛋黄烧卖，比咸蛋黄吸引所以点，就系有蛋黄嘅糯米，糯米好味过蛋黄。鲜肉米粉，几大碗嘅净米，呢只米粉几好味。