影片
更多
2022-01-31
494 浏览
—————————————————————🍴美食资讯🍴干锅肥肠（$98)令人意想唔到嘅系，居然个干锅真系用个炉嚟上，上枱个阵仲煮紧😛保持住个热度同埋愈煮愈入味。肥肠同其他配料比例差唔多，诚意之作又好食，小辣就惹味但冇咁刺激，钟意辣嘅人可以叫中辣。麻辣虾（$138)好香好好食！啲虾炸到酥脆，基本上可以成只虾连壳一齐食👍虾亦都好多，配搭嘅香料亦令味道更升华，我觉得系必试👍农家小炒肉（$88)一个普通但系好好捞饭嘅𩠌🤣就系啲葱，尖椒，腩肉一齐炒。虽然好油腻，而且尖椒本身就好辣，但系就好好送饭😋😋😋手撕包菜（$48)因为啲𩠌太油腻同埋好似好多肉咁😅所以叫个菜感觉健康少少😜炒得几有镬气，但系就唔太酸，同埋感觉有啲水。————————————————————👑评分味道：4/5环境：3/5价钱：4/5份量：4/5服务：2.5/5会否推荐：会不论系个餐厅嘅格局，店员，餐具。所有嘢都好似返左大陆某啲农村菜馆咁😂而且好大部分嘅食客都系一大班人，叫小菜队酒咁。所以全场都好嘈。楼面店员连埋老板娘3个人，基本上系忙到痴线，多人起上嚟，厨房个师傅都要煮完碟𩠌自己攞埋出嚟比客人😵💫亦因为咁，唔好大期望有咩服务，佢
—————————————————————
🍴美食资讯🍴
干锅肥肠（$98)
令人意想唔到嘅系，居然个干锅真系用个炉嚟上，上枱个阵仲煮紧😛保持住个热度同埋愈煮愈入味。肥肠同其他配料比例差唔多，诚意之作又好食，小辣就惹味但冇咁刺激，钟意辣嘅人可以叫中辣。
麻辣虾（$138)
好香好好食！啲虾炸到酥脆，基本上可以成只虾连壳一齐食👍虾亦都好多，配搭嘅香料亦令味道更升华，我觉得系必试👍
农家小炒肉（$88)
一个普通但系好好捞饭嘅𩠌🤣就系啲葱，尖椒，腩肉一齐炒。虽然好油腻，而且尖椒本身就好辣，但系就好好送饭😋😋😋
手撕包菜（$48)
因为啲𩠌太油腻同埋好似好多肉咁😅所以叫个菜感觉健康少少😜炒得几有镬气，但系就唔太酸，同埋感觉有啲水。
————————————————————
👑评分
味道：4/5
环境：3/5
价钱：4/5
份量：4/5
服务：2.5/5
会否推荐：会
不论系个餐厅嘅格局，店员，餐具。所有嘢都好似返左大陆某啲农村菜馆咁😂而且好大部分嘅食客都系一大班人，叫小菜队酒咁。所以全场都好嘈。楼面店员连埋老板娘3个人，基本上系忙到痴线，多人起上嚟，厨房个师傅都要煮完碟𩠌自己攞埋出嚟比客人😵💫亦因为咁，唔好大期望有咩服务，佢地忙到连落单都系比张纸你，自己写比佢地落😂我地就冇乜所谓，但当时坐隔离枱嘅客人，对此好不满，坚持话自己唔识字，要店员同佢地落🤭
————————————————————
张贴