名川麵棧 (已結業)

.名川面栈都算系元朗人好熟悉嘅面档。早两日嚟到食咗一个番茄麻辣米线拼炸猪排加凤尾虾，同埋一个番茄芝士汤米线拼鸡翼加豆卜。一个两𩠌面再配热饮$50左右，价钱合理。汤底好浓，有麻之余亦有番茄嘅酸，食落好开胃。番茄芝士虽然无咗麻，不过芝士配番茄又系另一种夹，令人食唔停口。猪扒同鸡翼都炸得好好食，唔会太油又香脆，不过𩠌嘅份量如果多少少就更加好啦。饮品方面都系正常茶餐厅水准，不过不失啦。餐厅嘅座位都好多，又可以叫外卖，岩晒我依啲懒人。