一生懸麵

营业中

休息中

估唔到啲拉面汤底好好味，面质都十分唔错。叫咗佢哋两个招牌，一个沾面一个汤面。餐：鸡白汤拉面+慢熟豚肉叉烧+蜂蜜绿茶樽装浓浓嘅鸡白汤味道，有少少蛋味白汤？我唔知系蛋定忌廉味，好香。食落会感觉饱肚啲。佢锁住个汁喺个面条𠮶度，啖啖都几香。估唔到薄片切慢熟豚肉叉烧，口感好滑同埋柔软，慢煮令到佢嘅肉呢保持新鲜，几欣赏佢呢种做法。餐：特浓猪骨沾面+火炙叉烧半熟蛋椰菜佢个猪骨汤底用少少猪脂肪猪油烹调，变咗呢真系好浓郁好香，好邪恶啊。我叫沾面，改淋啲，变咗就容易咬啲，然后配起上嚟啲汤真系好香。叉烧肉都好多，半肥瘦，有少少烤肉嘅味道。半熟蛋都好新鲜，蛋黄整得晶莹剔透。最正系佢可以加椰菜，一个碗咁多，咁就唔使惊冇菜食，而且佢煮椰菜都整得好软身啱啱好，但系保持青绿色。我哋都觉得个厨师煮得好有心机。煎饺子皮薄，馅都好多，啱啱个底又煎得脆口。面条质地可以选择标准，较柔软或者较硬配餐饮可以有不同嘅冷泡茶，香港制造，好特别，有特色茶包喺胶樽入面，而且标明无添加无糖等等标签，有信心保证我就叫咗白桃乌龙冷泡茶，淡淡嘅白桃乌龙味，清幽，几好饮。