養心殿台式養生鍋 (已搬遷) 新店位置

班同事前几日见到养心殿午餐时段做半价优惠，所以约埋啲旧同事一行八人齐齐星期六晏昼打边炉。去到餐厅，未齐人都入得，又唔驶等位，佢仲安排左张大圆枱比我地添。但部分位置系风口位，最好带多件褛去(但要预左件褛索味)。我地叫左两个锅，美人锅同姜母鸭锅。我见美人锅既料有椰子，成只乌鸡，红枣，党参同杞子。姜母鸭锅就有鸭件，荀，腐皮，姜同豆腐。净系衣两锅汤已经好好饮，又足料。每人饮完两碗净汤之后，仲可以叫侍应再加返两款汤添架。之后我地叫左莴荀，鸭血，百页，雪花肥牛，三款饺子，猪肉片，老油条，手打丸同响铃。啲手打丸好新鲜，又有咁多款味，又弹牙。必食 ! 啲雪花肥牛卖相好靓，食落牛味浓，一啲都唔觉肥。咁岩我有啲同事唔食牛，所以我地仲叫左猪肉片，食落唔觉肥，又唔会un ，都唔错。饺子我反而觉得普普通通无乜特别姐。我都系第一次食老油条，硬掘掘咁，始终系油炸过，食落都觉得有啲油腻感。响铃都够脆，但一萝响得果四条，唔够我地八个人分，要叫两萝先够。猪红我就食得多，食鸭血我都系第一次。食落去有啲烟烟UN UN，比起猪血，鸭血有感好多。我地食左差唔多三粒半钟挂住倾计都无人出声赶我地走，都唔错。