一鍋瘋 (已結業)

因为同行朋友都钟意打边炉，所以我地拣左依间位于旺角既一锅疯试下，佢地主打一人一锅粥底火锅，我地一早已经订左位，不过晚饭时间都吾算多人。每个坐位已经有个小型电磁炉，汤底选择有椰子、菠菜、栗米、甘荀、紫薯。我拣左椰子粥水，味道清甜，朋友就拣左粟米同菠菜，味道都系差吾多，都系比较淡。至于主打既十道鲜味海鲜盘就可以食到鲍鱼、蚝、肉蟹等，海鲜口尚算新鲜，不过个汤底既质素一般，好淡冇乜味，佢既质地就真系粥水咁好水，朋友都话同清水冇分别。平时食粥底火锅通常食晒d海鲜都好够饱，今次我地仲额外加左其他𩠌(要留意套餐吾包𩠌) ，不过份量好少，每样都系得3件，感觉吾太抵。食到差吾多，我地就叫佢加饭，我果锅已经净返好少水，但佢放完配料之后就迟迟吾加饭好奇怪，我再追问既时候佢先再加水，而饭同水既比例好随意，我地自己搅匀，煮到少少稠身就食得，竟然味道出乎意料几好味，可能之前煮既海鲜令成锅粥更入味。整体黎讲，食海鲜既时候个汤底好淡并冇令海鲜提味，不过食晒所有海鲜后煮粥就好味得多，想试既朋友就要留意了。