芋圓圓

营业中

休息中

我每次黎都系叫外卖，拎到返屋企都15分钟左右，雪多一阵食仲好食添。今次同朋友系出面食晚餐，见系太子而且仲有时间，就去芋圆圆度试下食堂食。估唔到平时唔驶点排，可能咁岩当日系星期五，happy Friday，所以好多人排，不过排左15分钟左右就可以入座，入座前都提醒因为繁忙时间所以食用时间为30分钟，咁我都觉得合理嘅。我叫返平时食开嘅仙草芋圆$35，我食过好多间芋圆，我觉得依间暂时系我觉得最好味嘅芋圆。芋圆烟烟韧韧咁，唔会太多粉团，而且仙草整得好滑，唔苦，配合埋其他配料，例如红豆，薏米等都出色。我依家都尽量戒食甜野，但芋圆圆嘅仙草真系令我抵挡唔住。