好味餃子店

营业中

休息中

岩岩附近买完野刚刚系下午茶时段，咁就去都几出名的好味饺子店，试下佢个汤饺同埋煎饺，最重要系汤饺的生鱼汤<汤饺 – 云耳椰菜肉饺‧甘笋沙葛肉饺>食呢度的汤饺可以话「醉翁之意不在饺」，最重要系碗生鱼汤。生鱼汤系奶白食，大家都知生鱼多骨，所以呢度会同你隔离汤渣。你饺落去系好舒服、好润喉，最重要系唔会觉得腥，有鲜甜老火汤的味道。汤饺方面都好大只，两者都分别有云耳同埋沙葛令你食落去有唔同口感。味道方面，云耳椰菜肉饺相对会浓味多啲，而甘笋沙葛肉饺就会较为味道清新，各有各特色。<煎饺 – 韮菜肉饺>煎饺方面，相对扁身啲，而两边都煎香同埋热辣辣。韮菜煎左之后会更加香，系最佳的煎饺配搭之一。另外食煎饺一定要点埋呢度自制的菜甫辣酱，唔算话好辣，但几惹味，令煎饺的味道层次有所提升。<罗汉果甘草茶‧滋润雪梨茶>食完煎饺，当然要饮番啲野润润个喉，呢度有罗汉果甘草茶同埋滋润雪梨茶。前者唔算好甜，但加埋甘草会有透心凉的感觉，加埋罗汉果就一定润喉。而雪梨茶开头望落比较浅色，以为会淡味，点知见到有唔少雪梨渣，饮落去梨味好浓，又系另一润喉之选。