太太廚房 (已搬遷) 新店位置

灣仔新開嘅餐廳，主打印尼菜式， 另外亦有卡邦尼意大利粉等等嘅西式菜式可供選擇。我點咗個馬來咖哩豬軟骨飯，另外再點咗杯印尼黑咖啡。咖哩豬軟骨份量幾多幾抵食， 粗略數個有六舊豬軟骨， 再加埋啲蘿蔔 ， 夠曬飽肚 。 咖哩冇乜香料香味，普普通通。小弟平時飲咖啡都唔落糖，但係呢杯黑咖啡真係，非常之苦，有少少似中藥。 建議大家落多啲糖漿。同行嘅朋友食咗巴東牛肉飯，話椰漿味幾濃幾好食。