影片
更多
2023-08-13
228 浏览
今日11点约咗帮小朋友喺湾仔影学生相，影完大概11:30 ，就打算揾地方食lunch。我揾到一间好出名食泰国菜嘅餐厅，只需要行10分钟就到，所以就决定试食呢一间啦。餐厅嘅开门时间系中午12点，我哋11:45已经到达，门口已经开始有人排队，目测我哋前边大概有10个人，好快就到12点我哋就安排入座。我店舖位置唔算好大，大概有八至10张枱。可惜嘅系佢哋冇BB凳，所以我唯有抱住小朋友坐，系比较辛苦少少。我哋点咗三样主菜，包括有泰式和牛浓汤河$138招牌泰式蟹肉炒饭$138，炸猪颈肉配烤蕃茄辣酱$68，一杯泰式招牌奶茶$48。泰式和牛浓汤河汤底，牛味非常浓郁，大概有三至四片嘅和牛片，两粒鱼蛋, 炸鱼皮同埋香菜，鱼蛋非常弹牙，泰国汤河口感爽口，加上炸鱼皮嘅香脆，整体口感上非常丰富。泰式蟹肉炒饭，比起头先嘅汤河就比较淡味少少🤏，不过亦都食得出蟹肉嘅鲜味，加上会配一点辣椒🌶️豉油，喜欢食辣嘅朋友可以一试，而且一相当大碟，绝对足够两个人食。小食方面，炸猪颈肉外表松脆但肉质略为粗糙，而且味道偏咸，配炒饭一齐食会比较好。而杯泰式奶茶一如以往嘅出色，非常泰式风味，茶味比较浓，但又唔会太甜，本人非常欣赏。店员非常
餐厅嘅开门时间系中午12点，我哋11:45已经到达，门口已经开始有人排队，目测我哋前边大概有10个人，好快就到12点我哋就安排入座。我店舖位置唔算好大，大概有八至10张枱。可惜嘅系佢哋冇BB凳，所以我唯有抱住小朋友坐，系比较辛苦少少。
我哋点咗三样主菜，包括有泰式和牛浓汤河$138
招牌泰式蟹肉炒饭$138，炸猪颈肉配烤蕃茄辣酱$68，一杯泰式招牌奶茶$48。
泰式和牛浓汤河汤底，牛味非常浓郁，大概有三至四片嘅和牛片，两粒鱼蛋, 炸鱼皮同埋香菜，鱼蛋非常弹牙，泰国汤河口感爽口，加上炸鱼皮嘅香脆，整体口感上非常丰富。
泰式蟹肉炒饭，比起头先嘅汤河就比较淡味少少🤏，不过亦都食得出蟹肉嘅鲜味，加上会配一点辣椒🌶️豉油，喜欢食辣嘅朋友可以一试，而且一相当大碟，绝对足够两个人食。
小食方面，炸猪颈肉外表松脆但肉质略为粗糙，而且味道偏咸，配炒饭一齐食会比较好。而杯泰式奶茶一如以往嘅出色，非常泰式风味，茶味比较浓，但又唔会太甜，本人非常欣赏。
店员非常亲切有礼殷勤，非常主动帮忙清洁枱面，值得一赞。食完呢一餐之后，直头当自己去咗一转泰国旅行咁，👍👍👍👍
张贴
