The Spice House Restaurant

营业中

休息中

原本諗住去食另一間餐廳，不過我地太遲，人地收左工。經過見到呢間泰菜都幾多人食，就入咗去食喇。首先有豬頸肉，佢燒得好好味，好腍好香，最鐘意係佢個汁，辣辣地又好有泰式風味。青咖哩雞，呢個咖哩都幾好食，用嚟送飯一流。不過啲雞就唔係太新鮮，我主功個咖哩汁撈白飯，如果有薄餅就正，不過呢間無賣。仲有個炸蝦餅，呢個係岩岩好炸起拎出黎，脆卜卜，熱辣辣，超好味。而佢食落有好多蝦係入面，超正。整體而言，呢間泰菜唔算好貴又幾好食，絕對值得推薦，喺灣仔返工又鐘意泰菜嘅朋友絕對唔可以錯過。