生記飯店 (已搬遷) 新店位置

哩间「生记」同区内另一间「星记」都系有点名气，米芝莲推介不在话下，餐厅重保留左好多传统广东菜。今日谂住lunch食中餐，可惜「星记」疫情后挨唔到执左，所以就同朋友黎生记食餐好既！午餐选择唔算话好多，但总有一样合乎你口味。我地四个人叫左二人餐，再加几样小菜。餐前附上例老火汤，暖一暖个胃先！二人餐重附有小食咖哩猪皮鱼蛋、蜜汁叉烧同埋一份油菜。咖哩猪皮鱼蛋—好入味，而且小食黎讲份量几多，唔好唔记得佢原先系二人餐。蜜汁叉烧—系好考功夫的一道菜，叉烧外皮有微焦香，蜜汁完美包住叉烧，非常出色。要挑剔系叉烧切得较薄身，口感差点。黑椒茄子猪颈肉—黑椒搭猪颈肉一定系香口架啦，茄子煮得较腍身，冇走油，所以颜色都会差点点。葱油白切鸡—鸡有鸡味，滑！南乳甜竹炆斋—哩样比预期差，以为系好多出面的南乳斋，但佢四条菜心就霸左半碟，亦冇用南乳处理过。香煎莲藕饼—煎到金黄色，好香口，而家啖啖混著莲藕粒，有层次感，是日最佳！ 最尾重有个怀旧白糖糕，甜度适中，画上完满句号。餐厅：生记饭店 Sang Kee Restaurant地址：湾仔轩尼诗道107-115号协生大厦1至2楼 Address：1-2/F, Hip Sang