飯先生

营业中

休息中

在奥运站C出囗的西九汇做完嘢，有啲肚饿，又怕附近餐厅多人要同人迫，见OpenRice 地图附近有间日食日式嘢嘅外卖店，见个名几得意叫做饭先生，我哋就喺OpenRice𠮶度订完𨍭头落去攞，估唔到咁近转过弯就到。店面细细，坐落起好友香港特色嘅唐楼富贵大厦转角度。点咗兰王酱油渍封门柳丼同日式咖哩吉列猪扒丼，点餐就包饮品，我哋仲加左个$10 香脆虾多士小食。坐一下就有得攞啦。只酱油渍兰王蛋黄鲜味，同个封门柳捞埋一齐👍🏻日式咖哩汁浓，仲有多款蔬菜喺里面，分开放嘅吉列猪扒，亦都好大件。我哋转咗其中一个主粮做乌冬，乌冬都好弹牙。小店似乎系一对母子营运嘅。食物质素唔错，我见其他人点关东煮大大碗，下次可以试吓。跟餐可以配椰子水好适合呢个天气。小店系收到单新鲜制作，如果唔想等就要预早落单。除咗喺OpenRice原来仲可以WhatsApp或者社交平台落单。