金公館 (已搬遷) 新店位置

前排香港日日落大雨，搞到个人湿气好重，于是成班朋友就去咗试喺铜锣湾同湾仔交界嘅金公馆，食下辣野又敍下旧。餐厅位置唔算太难揾，装修亦都几靓，可能系因为平日夜晚嘅关系，成晚只系得三四枱客。首先嗌左一锅杏汁猪肺汤，谂住如果辣得滞都有碗汤降下火。杏汁味十分浓，又够滑。汤渣都好味，最后所有汤渣都俾我地食晒。辣炒鸡软骨，鸡软骨香脆而且份量足，最啱用嚟送酒。相比起鸡软骨，一班朋友更钟意呢个辣炒猪大肠，一咬落去猪大肠啲油连埋辣味系个口喷发出嚟，谂起都觉邪恶。水煮鱼亦都有水准。相比之下，樟茶鸭只系大路之选。