象泰宴

营业中

休息中

呢日去咗屯门探朋友后，去咗佢屋企附近嘅象泰宴食晚饭。餐厅装修漂亮，枱旁边仲有提供usb插座畀食客叉电，够晒贴心。象泰去骨海南鸡配油饭 (例牌) $68鸡肉有鸡味，皮与肉之间有一层薄薄的透明啫喱，肉质嫩滑，蘸上酸酸辣辣嘅酱汁或姜蓉，就更为滋味。泰国船民汤河 $78汤底浓郁鲜甜，河粉十分滑溜，配料包括弹牙牛丸、清甜入味白萝卜、腍到几乎入口即溶嘅牛腩，爽口通菜及惹味炸蒜，丰富好食。泰式明炉香柠汁尖吻鱼 $138上枱后一路有明炉加热保持温度，鱼肉都几嫩滑而且带点鱼油香味，汤汁酸酸咸咸令鱼肉更加鲜甜。烧美国牛肉沙律 $68烧牛肉牛味浓郁带咬口，加上爽口嘅青瓜丝、红萝卜丝、惹味洋葱丝、中芹段、鲜甜番茄，配上酸辣酱汁，清新开胃。椰汁冰 $26椰汁味浓，味道香甜，口感顺滑。冻金桔蜜 $22咸咸酸酸，解辣好饮。餐厅装修、食物味道及服务都好，而且食物份量都大大份，整体感觉十分唔错。