影片
更多
2023-06-07
7716 浏览
上年年尾嚟过一次「星记海鲜饭店」食饭，啲午市套餐都唔算贵，亦都够质素，环境舒服，话晒都有「米芝莲」加持，稍稍被睇高一线。而今日约咗个好弟兄聚一聚，就再次嚟到「星记」食餐晏昼。 踏出电梯门就喺餐厅，上个食评都介绍过个环境，所以，今次就唔讲太多，基本上嚟讲，装修雅致，枱与枱距离无话好逼，无太大局促嘅感觉，座上客都喺较斯文嘅上班族，嘈极有个谱。 既然嚟食午餐，目标都喺佢哋嘅「午市精美小菜」套餐，包老火汤及甜品，定价都喺$96，另收茗茶$15位及加一服务费。两个好兄弟，喺小组拍档，自然同捞同煲，就叫两个都喺煲仔菜应吓景。 老火汤落好单，先嚟老火汤，每日不同，是日本来喺西洋菜，但改为「节瓜章鱼煲猪骨」，其实嚟咩都无所谓，最紧要喺好饮，饮落够老火。果然保持质素，汤味浓郁，有种好下火嘅感觉。 节瓜鲜鱿须粉丝煲上次试过招牌嘅凤梨生炒骨，今次就唔翻兜，试试另外啲菜式。呢个粉丝煲胜在有好多节瓜，切到条条大细一致，煮出嚟口感啱啱好，鲜鱿鱼须份量不少，而且柔韧有口感，唔会韧到好似擦纸胶咁，加埋有唔少粉丝，整体味度上属清淡少少，但又唔会太寡。 栗子鲜淮山炆鸡煲比起个粉丝煲，呢个鸡煲送到嚟滋滋声，香气四溢，老友好
踏出电梯门就喺餐厅，上个食评都介绍过个环境，所以，今次就唔讲太多，基本上嚟讲，装修雅致，枱与枱距离无话好逼，无太大局促嘅感觉，座上客都喺较斯文嘅上班族，嘈极有个谱。
既然嚟食午餐，目标都喺佢哋嘅「午市精美小菜」套餐，包老火汤及甜品，定价都喺$96，另收茗茶$15位及加一服务费。两个好兄弟，喺小组拍档，自然同捞同煲，就叫两个都喺煲仔菜应吓景。
老火汤落好单，先嚟老火汤，每日不同，是日本来喺西洋菜，但改为「节瓜章鱼煲猪骨」，其实嚟咩都无所谓，最紧要喺好饮，饮落够老火。果然保持质素，汤味浓郁，有种好下火嘅感觉。
节瓜鲜鱿须粉丝煲上次试过招牌嘅凤梨生炒骨，今次就唔翻兜，试试另外啲菜式。呢个粉丝煲胜在有好多节瓜，切到条条大细一致，煮出嚟口感啱啱好，鲜鱿鱼须份量不少，而且柔韧有口感，唔会韧到好似擦纸胶咁，加埋有唔少粉丝，整体味度上属清淡少少，但又唔会太寡。
栗子鲜淮山炆鸡煲比起个粉丝煲，呢个鸡煲送到嚟滋滋声，香气四溢，老友好识食，佢喺刻意拣呢个煲，睇到师傅功力。首先试的鸡件，果然煮得火候啱啱好，鸡肉熟透却非常嫩滑，又有鲜鸡味，再试啲鲜淮山，仲带有少少爽脆感，栗子睇起嚟比较细粒，又较深色，但喺就好粉好甜，所以，成个煲每样嘢都好好食。
栗子鲜淮山炆鸡煲
80 浏览
0 赞好
0 留言
甜品今次嘅糖水就简单啲，只喺蕃薯糖水，不过啲蕃薯用上「鸡蛋黄」，都好靓仔，亦喺好甜，糖水就带少少姜味，唔太重，仲加咗少少雪耳滋润吓，所以，作为饭后甜品都几唔错。
老友第一次嚟「星记」， 除咗赞啲食物做得有水准之外，呢度啲招呼比起一般酒楼真喺好唔错 ，以中环区而言，价钱又唔算贵，最紧要可以舒舒服服食餐饭嘛！
张贴
