影片
更多
2020-04-05
765 浏览
今个礼拜疫情越嚟越严重，开始唔敢出街食嘢，连薪餐厅都唔敢啦。如果出街，大家都系揾啲干净嘅外卖食下好啦。 今个礼拜五放工，去咗一田扫货买嘢食迟啲返屋企煮。一田人头涌涌，买嘢排队都用咗成个钟，买完已经好肚饿，所以就喺葵广买外卖返屋企食。孖宝车仔面就喺葵广地下，我见佢有指定嘅卫生指引比员工跟随，而且我睇住佢哋整嘢食，个卫生都唔错，于是就吸引左我去买佢嘅外卖啦。佢门口有个外卖处俾人哋写嘢，同埋等外卖。佢嘅主打系车仔面，有好多唔同嘅𩠌， $46有三个𩠌，价钱都好合理。我叫咗冬菇+生菜+菜肉饺子配秘制汁米线，叫多个碗仔翅($20)， 烧卖($10)。等左五至10分钟左右，个外卖就OK，之后我用左半个钟返屋企，唔知个外卖嘅condition系点呢。。。。答案系都唔错㖞，讲车仔面先，虽然个面冇分到汤，但系我叫嘅米线浸左半个钟都无发胀，返屋企加少少水就可以还原。佢嘅车仔面嘅面底都几多，米线浸左好耐都冇乜发胀，外卖来讲几好。秘制汁汤底几好食，几惹味。冬菇淋得黎好入味，生菜同菜肉饺子正常，份量好足够。碗仔翅系非常之好食，佢入面啲冬菇好大只好足料。佢嘅碗仔翅比较杰，味道较浓，$20一碗，果然一分钱一分货。最尾
今个礼拜五放工，去咗一田扫货买嘢食迟啲返屋企煮。一田人头涌涌，买嘢排队都用咗成个钟，买完已经好肚饿，所以就喺葵广买外卖返屋企食。
孖宝车仔面就喺葵广地下，我见佢有指定嘅卫生指引比员工跟随，而且我睇住佢哋整嘢食，个卫生都唔错，于是就吸引左我去买佢嘅外卖啦。佢门口有个外卖处俾人哋写嘢，同埋等外卖。
佢嘅主打系车仔面，有好多唔同嘅𩠌， $46有三个𩠌，价钱都好合理。我叫咗冬菇+生菜+菜肉饺子配秘制汁米线，叫多个碗仔翅($20)， 烧卖($10)。等左五至10分钟左右，个外卖就OK，之后我用左半个钟返屋企，唔知个外卖嘅condition系点呢。。。。
答案系都唔错㖞，讲车仔面先，虽然个面冇分到汤，但系我叫嘅米线浸左半个钟都无发胀，返屋企加少少水就可以还原。
车仔面
$46
12 浏览
0 赞好
0 留言
佢嘅车仔面嘅面底都几多，米线浸左好耐都冇乜发胀，外卖来讲几好。秘制汁汤底几好食，几惹味。冬菇淋得黎好入味，生菜同菜肉饺子正常，份量好足够。
碗仔翅
$20
10 浏览
0 赞好
0 留言
碗仔翅系非常之好食，佢入面啲冬菇好大只好足料。佢嘅碗仔翅比较杰，味道较浓，$20一碗，果然一分钱一分货。
烧卖
$10
23 浏览
0 赞好
0 留言
最尾，一到饮住奶茶一到食烧卖，烧卖外皮几干爽，唔会好淋，几好。
奶茶
4 浏览
0 赞好
0 留言
奶茶方面绝对系惊喜，好浓茶味，好少车仔面档奶茶咁好饮，好正！
总结，依间车仔面档整得好有心机，由招牌车仔面去到小食同饮品都系上佳。而且佢卫生，系诚意之作！
张贴
