泰尚泰國菜館 (已結業)

堅尼地城滋味泰國菜今日收工專程嚟堅尼地城睇戲，開場前同朋友嚟食泰國菜，意外地係到搵到驚喜既泰式美食。冬蔭功湯酸酸地又唔會太辣，材料非常豐富，係相當開胃既湯。醃海鮮粉絲沙律海鮮有魷魚、鮮蝦，青口等，好足料之餘，粉絲亦非常掛汁。炭燒原隻鮮魷燒至表面帶點金黃色，唔會太乾，唔點醬汁都已經好好食。蛋包海鮮金邊粉蛋漿呈網狀包住金邊粉，好有心思之餘，賣相亦好吸引。馬拉盞炒通菜充滿濃郁既鹹香味，食左幾款海鮮，有碟炒菜都幾好。哈蜜瓜椰汁糕椰汁味道相對突出，都幾唔錯。芒果沙冰味道濃郁，好似飲緊芒果汁咁。龍眼冰好多龍眼果肉，少冰後既甜度同溫度都控制得好好。