影片
更多
2018-08-07
91 浏览
听朋友讲新开嘅V Point地下有间望落几靓仔嘅泰国餐厅, 所以约埋一行四人去试下。一去到个环境好靓, 空间够大, 枱同枱之间嘅距离都好足够, 好适合一班朋友嚟倾计。而野食嘅款式都几多, 而且每一日都会有唔同嘅优惠, 最尾我地拣左四人餐。餐厅上菜速度都好快, 首先嚟一个鲜虾冬阴功汤鲜虾冬阴功汤入面嘅材料主要系大虾, 而酸甜度亦都适中，好适合香港人口味。软壳蟹咖哩好香, 好creamy, 但系味道上重咗少少, 如果就咁食嘅话就会咸得滞 配埋法包食就啱啱好。沙嗲串烧卖相唔错, 肉质嫩滑, 配埋秘制嘅沙嗲酱好好食。辣汁猪颈肉沙律个人嚟讲就觉得酸咗少少, 但系其他朋友就话ok, 咁可能系个人口味问题啦。泰式青咖哩我哋就配咗牛嘅, 牛肉就略为干身, 但系个青咖哩好香, 好食。泰式肉碎生菜包, 肉碎保留咗少少肉汁唔会太干身, 配埋爽脆嘅生菜食就啱啱好, 而且啱啱食咗啲咁浓味嘅嘢, 有返小小清淡啲嘅菜清一清都唔错。大虾炒金边粉嘅卖相好靓, 而金边粉亦都唔会炒得太干身, 整体上嘅味道唔错。野饮嘅部分我哋总共嗌咗两款嘢饮两款嘢饮都唔会太甜, 清得嚟又保留番材料本身嘅味道。最后嘅甜品系用咖啡嚟做嘅千层糕
一去到个环境好靓, 空间够大, 枱同枱之间嘅距离都好足够, 好适合一班朋友嚟倾计。而野食嘅款式都几多, 而且每一日都会有唔同嘅优惠, 最尾我地拣左四人餐。
餐厅上菜速度都好快, 首先嚟一个鲜虾冬阴功汤
鲜虾冬阴功汤入面嘅材料主要系大虾, 而酸甜度亦都适中，好适合香港人口味。
软壳蟹咖哩好香, 好creamy, 但系味道上重咗少少, 如果就咁食嘅话就会咸得滞 配埋法包食就啱啱好。
沙嗲串烧卖相唔错, 肉质嫩滑, 配埋秘制嘅沙嗲酱好好食。
辣汁猪颈肉沙律个人嚟讲就觉得酸咗少少, 但系其他朋友就话ok, 咁可能系个人口味问题啦。
泰式青咖哩我哋就配咗牛嘅, 牛肉就略为干身, 但系个青咖哩好香, 好食。
泰式肉碎生菜包, 肉碎保留咗少少肉汁唔会太干身, 配埋爽脆嘅生菜食就啱啱好, 而且啱啱食咗啲咁浓味嘅嘢, 有返小小清淡啲嘅菜清一清都唔错。
大虾炒金边粉嘅卖相好靓, 而金边粉亦都唔会炒得太干身, 整体上嘅味道唔错。
野饮嘅部分我哋总共嗌咗两款嘢饮
两款嘢饮都唔会太甜, 清得嚟又保留番材料本身嘅味道。
最后嘅甜品系用咖啡嚟做嘅千层糕, 淡淡的咖啡味可以清一清口腔, 而且食落唔会咁甜个感觉健康好多。
最后人均消费大均200蚊, 加上份量唔小, 环境又唔错, 系铜锣湾嚟讲好抵食。
张贴
