影片
更多
2022-06-20
691 浏览
凑凑火锅🍲一直都想食好耐佢哋嘅麻辣汤底同鸭血好正咁岩经过将南都有一间就去食下新推出嘅清凉椰子鸡锅依家凡点购清凉椰子鸡锅仲可以66折加购指定新品一客‼️可以竹笙/盐酥鸡/风味凑凑3选1打完边炉仲会附送乳酸沙冰同梅子茶冻餐厅嘅座位阔落环境舒适钟意打边炉嘅朋友真系绝对要试吓😋🔸清凉椰子鸡锅/台式麻辣锅 $276今次我哋嘅鸳鸯锅选择咗呢两个汤底，清凉椰子鸡锅系凑凑最新推出嘅产品，系由新加坡果边引进，呢个汤底主要系以椰子同鸡肉去煲，椰子水同椰肉非常清甜，鸡肉亦好嫩滑，再加埋柠檬叶令到就汤底更加香同清新，就咁饮都好好饮🤣台式麻辣锅就系凑凑嘅招牌汤底，主要以鸡骨同牛骨再加上多种中药材熬制而成，辣度唔会话太辣，不过就劲香，鸭血同豆腐仲可以无限添加，真系既好味又抵食😍🔸美国特选级牛小排 $228牛小排色泽好靓，食落肉质好嫩滑，完全唔韧，亦都食到好浓牛味，绝对对得住呢个价钱😋🔸伊比利亚黑猪肉 $138呢碟猪肉片份量好多，每一片都肥瘦好平均，厚度亦啱啱好，一啖食哂成片个口感劲正😍🔸飞鱼籽墨鱼滑 $68店员非常贴心，帮我哋将一大嚿墨鱼滑分成十几粒形状大小都差不多嘅墨鱼丸，而且每嚿都沾有飞鱼籽，食落好弹牙，打边炉
佢哋嘅麻辣汤底同鸭血好正
咁岩经过将南都有一间
就去食下新推出嘅清凉椰子鸡锅
依家凡点购清凉椰子鸡锅
仲可以66折加购指定新品一客‼️
可以竹笙/盐酥鸡/风味凑凑3选1
打完边炉仲会附送乳酸沙冰同梅子茶冻
餐厅嘅座位阔落环境舒适
钟意打边炉嘅朋友真系绝对要试吓😋
🔸清凉椰子鸡锅/台式麻辣锅 $276
今次我哋嘅鸳鸯锅选择咗呢两个汤底，清凉椰子鸡锅系凑凑最新推出嘅产品，系由新加坡果边引进，呢个汤底主要系以椰子同鸡肉去煲，椰子水同椰肉非常清甜，鸡肉亦好嫩滑，再加埋柠檬叶令到就汤底更加香同清新，就咁饮都好好饮🤣台式麻辣锅就系凑凑嘅招牌汤底，主要以鸡骨同牛骨再加上多种中药材熬制而成，辣度唔会话太辣，不过就劲香，鸭血同豆腐仲可以无限添加，真系既好味又抵食😍
🔸美国特选级牛小排 $228
牛小排色泽好靓，食落肉质好嫩滑，完全唔韧，亦都食到好浓牛味，绝对对得住呢个价钱😋
🔸伊比利亚黑猪肉 $138
呢碟猪肉片份量好多，每一片都肥瘦好平均，厚度亦啱啱好，一啖食哂成片个口感劲正😍
🔸飞鱼籽墨鱼滑 $68
店员非常贴心，帮我哋将一大嚿墨鱼滑分成十几粒形状大小都差不多嘅墨鱼丸，而且每嚿都沾有飞鱼籽，食落好弹牙，打边炉食真系一流
🔸企鹅丸 $59
呢道菜嘅卖相真系好得意呀🤣真系唔系几舍得食，拎嚟打卡一流。食落亦都食到好香浓嘅墨鱼味，口感好弹牙👍
🔸芝士鱼腐 $49
一份有六粒，一咬开爆哂芝士，鱼腐软淋淋好夹d芝士，不过要睇热呀🤣
🔸油麦菜 $38
打边炉我最钟意就系油麦菜，食落爽口之余亦索到哂d汤汁，非常之好味😋
🔸凤城水饺 $68
估唔到火锅店嘅水饺都咁出色，卖相靓之余仲要皮薄馅靓，渌完之后点火锅酱流食一流🤤
🔸响铃 $58
一份响铃有八条，凑凑嘅响铃比平时超市买果d更浓豆味，同时亦好脆身，渌几秒就食啱啱好，绝对系火锅必点菜式之一🤩
🔸大红袍珍珠奶茶 $33
呢杯系凑凑嘅招牌饮品，茶味非常香浓，饮落甜甜哋，茶味同奶味相结合非常之夹，再配埋用木薯粉制作嘅珍珠，口感烟韧弹牙，真系好好饮😋
🔸水蜜桃绿茶 $32
睇个外表仲以为系啤酒🤣杯绿茶好重水蜜桃味，甜度适中，最重要系佢劲大杯呀，啱哂打边炉大啖大啖饮
张贴
