梨滿園韓國料理 (已結業)

香港有好多韩国餐厅，好多都系新正式嘅菜式，好似炸鸡、部队锅、烧肉等等。但系正宗又传统嘅韩国餐厅就真系卖少见少，而黎满园就系香港硕果仅存嘅传统韩国餐厅。黎满园除左有传统菜外，都会有比较新式嘅料理，唔洗惊食唔惯传统菜。今次重有新嘅芝士拉丝鸡放题仼食！韩国寿司。韩国寿司同一般日本寿司唔同，无搭配鱼生，反而搭配新鲜青瓜等等，清新感觉可以中和到其他比较浓味料理。拉丝芝士紫菜蛋卷。我个人系非常钟意系芝士同鸡蛋，呢两样野配埋就一绝啦。一般人会觉得重口味，好彩入配左紫菜同青瓜，岩所有人口味。韩式拉丝芝士鸡。呢样就系黎满园比较新式嘅菜，若果惊传统菜唔岩口味，食呢个最啱啦。另外重叫咗雪浓汤。非常有诗意嘅名，其实系牛肉洋葱粉丝牛骨汤。煲出黎嘅汤好似雪白咁靓。因为加左胡椒，饮落去除左有浓浓新鲜牛肉味外，仲有少少辛辣刺激感觉。最后，我地叫左冻蜂蜜柚子茶同冻蜂蜜生姜茶做饮品，两样都好清新，饮完好舒服。