天天海南雞飯 (ELEMENTS圓方)

营业中

休息中

成日睇toutube见到youtuber推介新加坡著名天天海南鸡餐厅。疫症底下去唔到旅行唯有喺香港试吓。餐厅环境好大，坐得舒服，装潢几有越南风格，连茶壶都特别有文化气色。食海南鸡当然唔少得叫返个招牌天天海南鸡好少见到食海南鸡会食烧鸡，今次就可以一次过满足两个愿望，试晒两样。鸡肉嫩滑，够凉， 鸡皮嘅油脂晶凝通透，皮薄肉滑，一啲都唔肥。配埋秘制酱汁，正！ 烧鸡皮烧得后脆，肉唔鞋，比天天海南鸡略嫌咸咗少少。加左个鸡油饭，分量超多完全唔系一至二人份量。睇返餐厅介绍话佢哋嘅饭系用明火煮嘅，会边煮边搅拌。 饭粒粒粒分明，鸡油味香，但系唔会过分油。另外叫咗个火焰椰子冬阴功汤价钱又唔算贵，上菜方式好有惊喜。侍应将碗汤摆枱之后用火机点着，超有气势打卡一流。呢碗汤唔系得个样，冬阴功味重够辣，佢唔会话好重椰奶味，我几钟意呢样嘢，用料亦都丰富，里面有鱿鱼虾同埋青口，仲有番茄同菇。 参巴辣椒炒通菜够香，小小辣，通菜够嫩，唔会老。油柑鸭屎香柠檬茶第一次饮呢一款柠檬茶，茶味唔浓反而酸味重，饮落几清新开胃。