影片
更多
2024-10-29
237 浏览
「啤啤Bear韓國包車位」位於尖沙咀諾士佛臺，位置都幾便利，菜式選擇唔係非常花巧，但一般嘅炸雞、鐵板芝士、魚糕、部隊鍋、韓式煎餅也有提供。顧客頗多，年輕女性為主，價錢唔貴，份量較大，CP值幾高。生米酒 ($116): 麴醇堂原味韓國生米酒濃度只有約4%，酒精濃度並不高，米香味濃，味道偏甜，容易入口，配炸雞一流。BUTTER x GARLIC 無骨炸雞 ($158): 炸雞全數採用無骨雞髀肉，皮脆肉嫩，肉汁豐富，其以岩鹽香蒜白油醬調味，既有蒜香又有牛油香，都幾惹味。BBB魚糕串串串 ($178): 湯底甜中帶微辣，魚糕軟嫩富彈性，食起黎幾Juicy好味，一啲都唔覺得清淡，仲有一大舊大根炆得幾腍幾入味，份量都幾多。芝士鐵板黑松露炸醬拉麵 ($98): 最後主食揀左款新穎少少嘅選擇，傳統韓國炸醬麵配黑松露及鐵板芝士，建議開細火慢慢煮至拉絲，盡快享用，炸醬味濃，咸中帶濃郁松露香及芝士味，感覺幾complex，但唔係松露愛好者未必太keen on
生米酒 ($116): 麴醇堂原味韓國生米酒濃度只有約4%，酒精濃度並不高，米香味濃，味道偏甜，容易入口，配炸雞一流。
BUTTER x GARLIC 無骨炸雞 ($158): 炸雞全數採用無骨雞髀肉，皮脆肉嫩，肉汁豐富，其以岩鹽香蒜白油醬調味，既有蒜香又有牛油香，都幾惹味。
BBB魚糕串串串 ($178): 湯底甜中帶微辣，魚糕軟嫩富彈性，食起黎幾Juicy好味，一啲都唔覺得清淡，仲有一大舊大根炆得幾腍幾入味，份量都幾多。
芝士鐵板黑松露炸醬拉麵 ($98): 最後主食揀左款新穎少少嘅選擇，傳統韓國炸醬麵配黑松露及鐵板芝士，建議開細火慢慢煮至拉絲，盡快享用，炸醬味濃，咸中帶濃郁松露香及芝士味，感覺幾complex，但唔係松露愛好者未必太keen on
张贴
