影片
更多
2017-07-06
192 浏览
呢日去咗北角，嚟到新开无耐嘅滚得囍宫廷火锅。装修几有特色，尤其系𠮶啲印咗喜字嘅通花屏风，有古典味得嚟又唔老土。佢哋仲播住用二胡拉奏嘅流行纯音乐，例如系浮夸、那些年，甚至韩文歌曲Always(太阳嘅后裔)、TT都有，好新潮。餐厅入面嘅通风系统充足，无闷热感，亦无浓烈嘅火锅油烟味，不过冷气温度偏低，怕冻嘅女仔记得要带多件外套、披肩。之前睇过有关餐厅嘅报导，知道呢个系人手制嘅景泰蓝锅炉，上面印咗龙嘅图案，非常贵气。酱料方面有豉油、蒜蓉、葱花、芫茜、辣椒，后尾发现佢哋嘅汤底本身已经够浓，所以使用率唔高。火锅料价钱比一般嘅火锅店稍高，不过好似响铃咁就声称系即炸嘅，有啲就系矜贵食材，以港岛区嚟讲总算合理。等咗无耐，侍应就将我哋嘅火锅料拎晒过嚟。餐厅有十几款火锅汤底，我哋就试咗康熙花胶鸡汤锅，佢用咗另一款金属龙头做手柄嘅锅炉载住，气派十足，浮夸度唔会比头先嘅景泰蓝锅炉逊色，难怪佢哋用宫廷火锅自居。侍应建议我哋先饮鸡汤，呈黄色嘅汤浓而鲜甜。份量方面我哋就拣咗半只鸡，煮到咁上下就可以要求侍应帮忙切件。鸡只体型几大，鸡皮油份算适中，鸡肉嫩同入味。不过同晌屋企煲鸡汤一样，煮𠮶阵难免会有不断释出鸡油嘅情况，所
呢日去咗北角，嚟到新开无耐嘅滚得囍宫廷火锅。
装修几有特色，尤其系𠮶啲印咗喜字嘅通花屏风，有古典味得嚟又唔老土。佢哋仲播住用二胡拉奏嘅流行纯音乐，例如系浮夸、那些年，甚至韩文歌曲Always(太阳嘅后裔)、TT都有，好新潮。
餐厅入面嘅通风系统充足，无闷热感，亦无浓烈嘅火锅油烟味，不过冷气温度偏低，怕冻嘅女仔记得要带多件外套、披肩。
之前睇过有关餐厅嘅报导，知道呢个系人手制嘅景泰蓝锅炉，上面印咗龙嘅图案，非常贵气。
酱料方面有豉油、蒜蓉、葱花、芫茜、辣椒，后尾发现佢哋嘅汤底本身已经够浓，所以使用率唔高。
火锅料价钱比一般嘅火锅店稍高，不过好似响铃咁就声称系即炸嘅，有啲就系矜贵食材，以港岛区嚟讲总算合理。
康熙花胶鸡汤锅
19 浏览
0 赞好
0 留言
等咗无耐，侍应就将我哋嘅火锅料拎晒过嚟。
康熙花胶鸡汤锅
24 浏览
0 赞好
0 留言
餐厅有十几款火锅汤底，我哋就试咗康熙花胶鸡汤锅，佢用咗另一款金属龙头做手柄嘅锅炉载住，气派十足，浮夸度唔会比头先嘅景泰蓝锅炉逊色，难怪佢哋用宫廷火锅自居。
康熙花胶鸡汤锅
39 浏览
0 赞好
0 留言
侍应建议我哋先饮鸡汤，呈黄色嘅汤浓而鲜甜。
康熙花胶鸡汤锅
26 浏览
0 赞好
0 留言
份量方面我哋就拣咗半只鸡，煮到咁上下就可以要求侍应帮忙切件。鸡只体型几大，鸡皮油份算适中，鸡肉嫩同入味。不过同晌屋企煲鸡汤一样，煮𠮶阵难免会有不断释出鸡油嘅情况，所以要频频用隔油网将油份隔去。
康熙花胶鸡汤锅
16 浏览
0 赞好
0 留言
当晚汤入面最少有十几块花胶，全部都厚身肥大，食起嚟爽滑，再煮耐啲嘅话就有少少黏口嘅胶质感，对女仔嚟讲真系好养颜。
呢个旧式保温壶系跟埋火锅咁拎嚟，入面其实系暖暖哋嘅汤底，可以自己按需要加落锅入面，不过当晚就由侍应主动走嚟帮我哋加汤，佢哋仲会不时走嚟收碟。
手切飞驒和牛，一直以为驒读做蝉，原来正确读音系驼先啱。
油花分布几均匀，稍为涮一涮嚟食，入口即溶又有少少咬口。
鹿儿岛日本黑豚肉，同手切飞驒和牛一样拎嚟时会跟埋干冰，营造出烟雾迷漫嘅效果。黑豚肉相对起嚟切得比较薄，涮后松化唔痴牙，表现都唔错。
黑松露墨鱼滑
23 浏览
0 赞好
0 留言
黑松露墨鱼滑，打得鲜味弹牙，仲有黑松露独有嘅香气。
冬瓜件
24 浏览
0 赞好
0 留言
冬瓜件，放入锅度煮到啱啱好腍身，食起嚟同鸡汤好夹，又可以解腻。
日本稻庭乌冬
9 浏览
0 赞好
0 留言
日本稻庭乌冬，吸满鸡汤精华，烟烟韧韧又饱肚。
张贴
