二家姐正宗原味麻辣火鍋

营业中

休息中

对于我呢个港岛人来讲，过亲九龙新界都会荡失路，所以如果唔系朋友带路，真心会揾唔到间舖。朋友讲到我一定会钟意，所以趁今晚喺附近睇完show就跟咗佢过来滚滚佢～听说不远处仲有间，不过呢边新，礼拜日晚嘅人都应该为全新礼拜一补眠紧嘅时间，我哋来到嘅时候冇乜客，只闻隔离Vip房内载歌载舞，似乎系有人庆祝紧生日。佢哋呢到应该有两间Vip房，未有缘参观一下。既然系朋友介绍得，梗系要佢order埋比我试试佢啦～打边炉最紧要系个汤底，不过食物唔食辣呢家嘢真系虾仁炒蛋㗎，为迎合众人要求，二家姐都比人拣，有得鸳鸯锅，外围系麻辣汤底，内锅系药膳清汤锅。二家姐的细心⋯⋯款式新颖，实用性超高，用完即弃嘅围裙呀，为各位姐妹照顾周到。然后上菜了～唔知睇相大家有冇睇清楚，件猪扒成个巴掌咁大，纹理清晰可见，肥瘦均匀，滚完之后入口唔会韧，仲有好浓郁嘅肉味。如果睇过我之前嘅食评都知道，小女好喜欢食鱼皮饺，来到呢到都一样唔例外，虽然朋友好似十万个唔愿意就我咁，但我都坚持叫咗。原来佢真系咁熟悉啲味道，唔知点解总觉得个鱼皮饺争啲啲，又可能其他嘢太好食，盖过晒鱼皮饺嘅魅力。濑尿虾都系我至爱，估唔到二家姐嘅呢味咁特别，朋友说一定要试。