影片
更多
2024-02-29
2583 浏览
一班旧同事晌疫情几年都无约齐过出嚟聚一聚，就趁农历年咁就梗喺乘机出嚟食番餐啦！因为就番大家关系，所以，定喺星期五晚，然而，好多酒楼都会有时限，结果，偏少少揾到嚟「都会广场」嘅「彩福」，无时限之余，又就得到部分住喺新界东嘅老友。虽然成日听到话啲人北上揾食，不过，今晚嚟到「彩福」都算喺几爆场。因为我哋有排倾，坐咗成晚，眼见有啲细枱翻咗一、两转。至于呢度嘅环境，同传统酒楼差唔多，灯火通明，唔好见张相以为地方得咁细，其实有一边间咗俾人搞宴会。同枱嘅旧同事对食都无乜要求，所以，我哋都喺叫返啲惯常小炒，本应佢有一张大嘅点菜纸，不过，忘记影低。大家眼见呢几张餐牌都喺当其时「求其」影，实际当然唔止咁少款式。片皮鸭 $288呢道菜要预订，唔订未必无，订咗就稳阵啲。由于我哋坐咗晌个角落位，所以，阿姐晌出面远少少位置度片只鸭，用咗只「鸭仔」碟，配上大葱、青瓜、甜面酱，成份片皮鸭几有睇头。只鸭烧得几唔错，皮脆肉嫩，油香丰腴，加埋啲配料以饼皮卷起嚟食，好有风味。不过，负责片皮嘅阿姐绝对好业余，因为片到厚薄不一，有啲直情得层皮，有啲就连住嚿厚肉，多多少少都影响咗个口感。七彩炒鸭丝 $88叫得片皮鸭，无理由唔加少少
虽然成日听到话啲人北上揾食，不过，今晚嚟到「彩福」都算喺几爆场。因为我哋有排倾，坐咗成晚，眼见有啲细枱翻咗一、两转。至于呢度嘅环境，同传统酒楼差唔多，灯火通明，唔好见张相以为地方得咁细，其实有一边间咗俾人搞宴会。
同枱嘅旧同事对食都无乜要求，所以，我哋都喺叫返啲惯常小炒，本应佢有一张大嘅点菜纸，不过，忘记影低。大家眼见呢几张餐牌都喺当其时「求其」影，实际当然唔止咁少款式。
片皮鸭 $288呢道菜要预订，唔订未必无，订咗就稳阵啲。由于我哋坐咗晌个角落位，所以，阿姐晌出面远少少位置度片只鸭，用咗只「鸭仔」碟，配上大葱、青瓜、甜面酱，成份片皮鸭几有睇头。只鸭烧得几唔错，皮脆肉嫩，油香丰腴，加埋啲配料以饼皮卷起嚟食，好有风味。不过，负责片皮嘅阿姐绝对好业余，因为片到厚薄不一，有啲直情得层皮，有啲就连住嚿厚肉，多多少少都影响咗个口感。
七彩炒鸭丝 $88叫得片皮鸭，无理由唔加少少钱拣二食，不过，话就话「七彩」，应该改为「银翠」，因为喺以银芽同韮菜去炒鸭丝。实际嚟讲，炒得够镬气，都几好食，而且，大大碟够份量。
七彩炒鸭丝
$88
30 浏览
0 赞好
0 留言
话晒当喺贺年，梗喺食豪少少，所以，拣咗一客龙虾，并加埋伊面底（+$30）。讲明喺澳洲货，又标明会有几重，感觉都有信心啲，出嚟嘅成品亦都好唔错，睇落绝对足秤，龙虾肉非常之爽弹，而且好鲜甜，用咗上汤焗，无芝士咁「漏」，不过，略嫌啲伊面有少少碎湿湿。
上汤焗西澳龙虾
$388
139 浏览
1 赞好
0 留言
除咗个龙虾，拣多个海鲜类菜式，就喺呢个鱼片煲，最搞嘢喺衬埋个咸菜胡椒猪肚汤，感觉好似一个价钱食两度菜咁，更好嘅喺呢个煲热住食，啱晒呢排天寒地冻嘅日子。本身个咸菜胡椒猪肚汤已经几好食，加上啲鲷鱼片好嫩滑，份量亦唔少，呢道菜可以讲喺性价比高。
咸菜胡椒猪肚鲷鱼片煲
$118
66 浏览
0 赞好
0 留言
石锅珍菌百福豆腐 $98老友们食嘢都喺相对比较健康，所以多菜少肉，蔬菜类菜式都会拣多啲。先喺呢个石锅豆腐。因为用上滚热烫嘅石锅盛上，所以由头食到尾都够晒热焫焫，而里面有好多菇菌，啲豆腐又够滑，个酱汁调味道啱啱好，确喺唔错。
金银蛋浸菜心 $96另一度蔬菜菜式就要清淡啲嘅，就拣金银蛋浸时蔬，时蔬就拣咗菜心，因为阿姐话今日啲菜心靓，又即管试下，食落又确喺几甜，而金银蛋大家都知喺乜唔多讲。
原个椰皇炖燕窝 $52甜品方面呢度有好多选择，不过，原个椰皇需要预订，同样地，无订嘅话唔一定无，视乎当晚供应情况。我哋就预订咗两个，再加埋其他甜品一齐共享。讲返个椰皇，打开盖都睇得到非常足料，啲燕窝唔会碎湿湿，而下面嘅椰皇炖奶热呼呼，好嫩滑，非常清甜，阵阵椰香，食完真喺好润。
原个椰皇炖燕窝
$52
92 浏览
0 赞好
0 留言
红豆桂花糕 $24一般嘅桂花糕卖相都比较晶莹，但呢份桂花糕外观就比较沉实啲，因为加咗红豆，又喺可以讲一个价钱食到红豆糕同桂花糕。啲红豆煮得几绵，而且够香甜，加咗桂花所以渗出阵阵桂花香，味道都几夹。
金箔芝麻卷 $30一碟有成6件，都只喺买$30，晌酒楼中都算抵食，再者加咗少少金箔，睇上去自然贵气好多。而入口个人嚟讲，都真喺算唔错，口感够挺身，咬落又带点爽口，最重要就喺芝麻味够浓郁。
若非有啲老友住得远，否则我哋仲有排倾，始终太耐无见，同埋今晚又喺最齐人，喺难得嘅机会。不过，依家已经复常番晒，相信第时出嚟再聚嘅日子都会多啲。
张贴
