漁樂鍋 (已結業)

今日同朋友去左佢屋企附近间火锅店食野，7:00未到见到得返一张枱，好彩无留比客，超幸运的我们~叫左鸡煲，但系好肚饿既关系，一食得就挂住食完全唔记得影相。鸡煲个汁好香，少少辣令到味道更加升华。牛根，几大兜，但系就稍为细旧，煮完唔系咁易揾返。手切安格斯肥牛，贵野梗系唔同啲，煮完几淋，好重牛味。炸鱼蛋，系即食的，好少食即炸鱼蛋，黎到非常香，新鲜炸起特别好味，而且鱼肉又好弹牙！美国肥牛，食完贵野唔够口，叫左普通肥牛食，一分钱一分货吧，不过起码佢唔系比"街保"货你。黑毛猪梅头肉，可能切得薄既关系，完全唔韧，仲有少少爽口。另外仲叫左啲菜同菇，响铃一啲都唔伏，食得过。