一風堂 (德福廣場) (已結業)

晏昼去九龙湾见客，一个人食，拉面系最好既选择。曾经去过一风堂铜锣湾店，但系个次经验真系麻麻地，拉面味道唔错，但系唔见太大惊喜，环境普通，要特登排队去食本人认为真系唔太值得。但系今次唔使等位又无咩特别期望之下黎到九龙湾店食，就相当有惊喜，觉得今次碗面比上次系铜锣店食到既好食好多。今次点咗札幌味噌拉面，味噌汤好浓郁，面条弹牙，叉烧都好入味稔度适中，汤头最后俾我饮晒，仲有d意犹未尽，我食个阵岩岩过左食饭时间，店入面无咩人，可以静心咁慢慢去品尝碗拉面。另外，跟餐我仲点左个鸡亦，卖相好靓，不过食落就麻麻地，下次可以pass。服务普普通通，不过食品等候时间都ok，份量都够饱，只系略缣有d贵，因为要加一，埋单要$88。不过只要好味，贵少少都无所谓。