極尚大喜屋 (鱷魚恤中心)

营业中

休息中

两星期前book咗枱，book咗6:30，6:20上去等，见到超级多人，因为出升降机嘅位置比较细，好不容易行到去职员𠮶边，同佢讲book咗枱。职员都有礼貌咁回答，请喺另一边排队。我心谂，book咗枱都仲要排队，所以行埋一边就算。点知6:30，真系由排队𠮶条队开始，原来超级多人都系book咗6:30。够钟职员就逐一带入去，都算好快有座位。出面有熟食，有少量海鲜，冷盘，沙律，水果，甜品，有好多种唔同嘅饮品。有日本酒，咖啡茶，汽水，盒装饮品，椰青水，自家制花茶，饮品真系超多选择。Order既食物再正好多，所以建议唔洗攞出面食物，可以食左order既先😀日本放题，点都要嚟一盘是刺身先，寿司普通，叫左鹅肝寿司，普通啦⋯⋯鲍鱼好味，天妇罗好味，羊架都正，稍为略嫌佢太大嚿，食一件就开始饱。寿喜锅都正，不过真系要多人先食到，两个人太饱食唔到一锅。 有Häagen-Dazs雪糕，仲有其他雪条，都算多选择。总括黎讲都好满意，落左单，食物好快送到，质素又几好，价钱唔算太贵。值得一试。最后一提，食完走人时，几部升降机都爆满，要等升降机去商场都唔系咁易，我地最后都系行楼梯。如果有长者，或轮椅人士，就要留意。