影片
更多
2023-10-10
1218 浏览
唔系住开呢边亦唔系喺呢头返工，系咁啱前几日喺度附近做嘢经过，见开咗新铺，有猪杂粉食！净系知香港唔多食猪杂粉嘅地方，西环就有做得出名嘅仲要排队，宜家上环都有喇好开心！仲要竟然OpenRice未有⋯ 当日好可惜已食咗野先经过见到，好在再过两日又会黎呢头做野⋯ 但著到鬼死咁隆重😂 我都唔理照入黎食，因为唔知下次几时再有机会黎呢头⋯ 上手果间烧味其实都做得唔错，亦见生意几好，但可能上环嘅烧味竞争太激烈⋯ 希望呢间店做得住啦！好食呀，系清淡嘅，但我就系钟意佢比较清，成个汤都饮晒！猪杂有好多款，肚、肺、脷、肠、心等等，每样都有几件。仲有大同细碗可以选择，加十蚊有碟菜，但原来配料已经好足、有芹菜、冬菜、芽菜、仲有d应该系枸杞叶！正，非常满足。唔知系太好食定细碗份量系比较少，食完仲有少少意犹未尽，但专登行过黎食有少少赶住走⋯如果唔系再叫多d野黎试！好似听到阿姐同食客讲开咗三星期，然后有食客话食完专登再带妈妈黎食，老板又同食客讲琴日有客话觉得个汤底唔够味，今日专登落多d猪手落去煲，等佢厚身d，系有诚意嘅，我见另一枱嘅女士客人都同我一样成碗食清光连汤都汤晒～ 老板见我急急脚食完埋单走人都问做乜唔慢慢食坐多
好食呀，系清淡嘅，但我就系钟意佢比较清，成个汤都饮晒！猪杂有好多款，肚、肺、脷、肠、心等等，每样都有几件。仲有大同细碗可以选择，加十蚊有碟菜，但原来配料已经好足、有芹菜、冬菜、芽菜、仲有d应该系枸杞叶！正，非常满足。唔知系太好食定细碗份量系比较少，食完仲有少少意犹未尽，但专登行过黎食有少少赶住走⋯如果唔系再叫多d野黎试！
好似听到阿姐同食客讲开咗三星期，然后有食客话食完专登再带妈妈黎食，老板又同食客讲琴日有客话觉得个汤底唔够味，今日专登落多d猪手落去煲，等佢厚身d，系有诚意嘅，我见另一枱嘅女士客人都同我一样成碗食清光连汤都汤晒～ 老板见我急急脚食完埋单走人都问做乜唔慢慢食坐多阵，我话我都想呀但专登过黎架赶赶地时间呀⋯ 希望老板好好经营长做长有啦！
猪杂河（细）
$45
118 浏览
0 赞好
0 留言
张贴
