老街 (已搬遷) 新店位置

上星期同班friend游走旺角，无意中见到有间舖新开张，原来系食台湾嘢。门面几吸引，见入面都坐咗唔小人，大家都有兴趣入去试下！发觉间舖玩怀旧style，由门面招牌到店内装修摆设都充满老台湾风味，几特别！可见店主的诚意和心思！座位都算阔落，坐得舒适！最钟意佢𠮶幅挂满台湾景点照片墙，我同D friend逐张睇，勾起一幕幕旅游回忆！见个餐牌都几多款式，选择困难症又发作！ 好彩我哋人多，可以试多几款！先来个黄金脆薯（梅子粉），喂！正㖞！外脆内软，黄薯够清甜，外面洒上梅子粉，微微带点甜酸，好醒胃！最重要炸完都唔油腻，够干身！再嚟酥炸花枝丸，都好得！食得出唔系一般街买到的袋装花枝丸，系好似喺台湾街头食到𠮶d咁㗎！够香口，令人食唔停口！跟住就系木鱼炸豆腐，个酱汁好正好惹味！配埋面头d木鱼片一齐食，好夹！唯一缺点系太大旧，我哋好难分嚟食，夹到烂晒。如果事先一分为四会更好！见个豆腐咁正，试埋另一款鱼酥皮蛋豆腐。原来鱼酥即系木鱼碎，呢款味道比较清淡，可以清清味蕾。食完小食，当然要食主菜。我拣咗招牌牛肉面，汤底几好，我食到有药材味，不过只系好少啫，唔会好抢。最重要d牛肉煮得够淋，唔鞋口。朋友食肉燥饭同盐酥鸡