滿樂中菜 (已結業)

误打误撞揾到间有水准嘅中菜馆，系地方唔太就脚，不过都有港鐡直达。唔好以为响戏曲中心里面就系同戏曲有关，其实一啲关系都无，《满乐》系一间环境几舒适，食物水准几高甚至有惊喜嘅中菜馆，所以下次有gathering 都会建议嚟呢度。🥢椒盐九肚鱼⭐️⭐️⭐️⭐️呢度嘅椒盐九肚鱼系开边炸嘅，口感香脆得嚟带点软熟，但无损九肚鱼本身味道，非常好味。🥢芋蓉香酥鸭⭐️⭐️⭐️⭐️⭐️好少地方有得食，芋蓉够香够细滑，而鸭肉就薄薄一层响底部，食落完全唔会觉得系鸭肉，因为唔会有韧嘅口感，如果钟意食芋角嘅人一定要试。🥢肉碎豆腐煲⭐️⭐️⭐️⭐️即系红烧豆腐但瓦煲上，一煲都有好多豆腐，豆腐非常香滑，而肉碎惹味得嚟又唔咸，捞白饭一流。🥢浓汤杞子花胶浸时蔬⭐️⭐️⭐️⭐️⭐️呢个上汤浸时蔬，系我呢一生人食过最好味嘅时蔬，通菜鲜嫩爽脆，杞子超甜又大粒，而花胶就普普通通变咗配角，仲有上汤鲜甜到可以饮添。