燈籠滷味 (新都會廣場)

营业中

休息中

三点三未食晏，揾食途中被几个灯牌吸引到，转个弯就见到呢间「灯笼卤味」，一于黎叹返个台式下午茶。餐厅装潢充满台湾传统小店风味，台式灯牌、怀旧木桌椅、悬挂灯笼灯泡布满全店，仿似去咗旧台式餐厅，下午茶可以拣吐司、饭或面，够晒多选择。自选招牌灯笼卤味 :拣咗蜂巢肚、大肠、麻吉烧及高丽菜，再加三蚊转手工乌龙面。卤水汁好香浓，牛肚同大肠都卤得好淋好入味，麻吉烧烟烟靭靭，手工乌龙面够弹牙，吸收晒卤水汁份外好味。麻辣酱香卤猪耳朵 :另外加24蚊要咗一份猪耳，猪耳好入味，淋得黎不失咬口，配上秘制麻辣酱，辣辣地好惹味。值得一赞嘅系伴碟有少量沙律菜，食完浓味嘅猪耳，食返d沙律菜无咁腻。台味奶茶 :可以加钱要珍珠或仙草等等，茶味香浓，味道唔会太甜，珍珠口感Q弹。