日日香鵝肉飯店 (黃埔新邨) (已結業)

因为喺黄埔有一间甜品舖好想去试，所以晚饭都决定要喺黄埔解决。 民泰街出名多嘢食，我同朋友当日就特别想食烧味，行经呢间卤水鹅肉店，心谂都同烧味差唔多就决定入去一试。由于有点肚饿同懒惰，见到佢有个二人餐唔使谂就即刻拣咗佢。二人餐二百零蚊，包左每人一碗白饭，一碗鹅骨汤，小食，油菜，及一碟卤水鹅。 小食我哋分别拣咗鹅肾及猪手，其实每样野嘅份量唔会多，但两个人分就啱啱好。个人觉得成餐饭最好食嘅就系鹅肉，肥瘦均匀，而且卤水好入味，招牌菜果然冇令人失望。反而少食油菜及汤就比较正常，建议大家可以试吓佢其他食物例如煎豪饼乌头等等潮州美食，下次我都会咁试。