神輿日本料理 (已結業)

早前见到朋友去了旺角一间放题新开张无耐的日式放题, 最近又为庆祝朋友生日, 一于决定去呢间 – 神舆日本料理。我地星期日食最早的一论, 就系6点前, 因为食得饱后大把时间消化。价钱亦好平$178+10%。我地4点到达, 真系好少人, 门面好大, 难以想像会用这么大的地方做门口。仲有木牌比你写野祈福, 装修充满日风, 装修了一个神舍, 令你置身在日本当中。我地几个影左一轮相先进入餐厅。餐厅都好大, 好多卡位。离远见到有一个好大的厨师位置, 整体好舒服, 好干净。我地都系坐卡位, 然后好快点食物, 食物选择都好多, 饮品汽水选择也不少。虽然唔系全部食物有影相, 刺身好新鲜, 喜出望外系有中吞拿鱼腩刺身, 寿司醋味足, 选择多, 推介系海胆寿司。焗蚝, 烧羊架, 烧粟米, 蒜香茄子等等皆不错, 特别系有榴梿球, 入面有好浓的榴梿蓉, 好味 ! 限时两小时, 大家都不停食,不停倾计, 以$178价钱真系不错, 而且发现4点开始食, 到晚上9点都未肚饿。