影片
更多
2023-09-09
3208 浏览
哩间餐厅开咗一段时间，但一直都无食过。今日约朋友食饭，呃咗佢嚟太古陪我试🫢餐厅座位比较开扬，冷气超冻 ❄️餐厅系半自助形式，睇完menu，自己去落单。餐具、水都系自己拎。然后会收到提示器，食物准备好嘅时候，就去柜台拎。但系间唔中都会有职员埋嚟收碗盘。我哋拣咗二人餐 ($560)二人餐有主菜、炸鸡、甜品，仲有饮品。基本上想食嘅嘢都齐哂，所以好抵。파르마 했을 결들인 까르보나라 떡巴马火腿卡邦尼年糕Tteokbokki with Parama Ham in Creamy Carbonara Sauce我见到好多人都拣哩个。年糕系圆条型，好似乌冬😂但口感系年糕，烟烟韧韧。个酱汁好creamy，好食。국산 르제 소스를 곁들인 삼겹살 리조또五花肉玫瑰炖饭Pork Belly Risotto with Korean Rose Sauce成个套餐，可以拣两个主菜。哩个玫瑰炖饭好似系其中一个皇牌必食。真系食到有花香，饭好 creamy，五花肉好肥😂，肥膏同肉嘅比例系差唔多7:3，差唔多成旧都系肥膏。我只系夹咗一、两件，仲要咬哂啲肥膏走，剩余𠮶啲，留返哂俾我朋友😂😂😂😂唔系好习惯主食有花香，个人唔太
今日约朋友食饭，呃咗佢嚟太古陪我试🫢
餐厅座位比较开扬，冷气超冻 ❄️
餐厅系半自助形式，睇完menu，自己去落单。餐具、水都系自己拎。
然后会收到提示器，食物准备好嘅时候，就去柜台拎。
但系间唔中都会有职员埋嚟收碗盘。
我哋拣咗二人餐 ($560)
二人餐有主菜、炸鸡、甜品，仲有饮品。基本上想食嘅嘢都齐哂，所以好抵。
파르마 했을 결들인 까르보나라 떡
巴马火腿卡邦尼年糕
Tteokbokki with Parama Ham in Creamy Carbonara Sauce
我见到好多人都拣哩个。
年糕系圆条型，好似乌冬😂但口感系年糕，烟烟韧韧。
个酱汁好creamy，好食。
국산 르제 소스를 곁들인 삼겹살 리조또
五花肉玫瑰炖饭
Pork Belly Risotto with Korean Rose Sauce
成个套餐，可以拣两个主菜。
哩个玫瑰炖饭好似系其中一个皇牌必食。
真系食到有花香，饭好 creamy，五花肉好肥😂，肥膏同肉嘅比例系差唔多7:3，差唔多成旧都系肥膏。
我只系夹咗一、两件，仲要咬哂啲肥膏走，剩余𠮶啲，留返哂俾我朋友😂😂😂😂
唔系好习惯主食有花香，个人唔太推荐😅
프라이드 치킨 콤보 (3가지 맛)
炸鸡拼盘（三款味道)
Fried Chicken Combo (3 Flavors)
炸鸡可以拣3个口味，岩哂贪心嘅我😌
치즈뿌림클 치킨
芝士炸鸡
Cheese Sprinkle Fried Chicken
양파 소스를 곁들인 프라이드 치킨
洋葱汁炸鸡
Fried Chicken with Onion Sauce
감귤치킨
柑橘炸鸡
Tangerine Fried Chicken
除咗炸鸡，仲有薯条同年糕。
三款入面最特出系洋葱汁炸鸡，洋葱味好浓，但唔会有生洋葱嘅辣味。
而第二款，我会推荐柑橘炸鸡，酸酸甜甜，可以中和炸鸡嘅腻。
不过哩两款炸鸡都系有汁，如果偏好干身脆皮炸鸡嘅朋友，可以拣芝士炸鸡，佢系撒芝士粉系炸鸡表面。
카라셀 치즈케이크 크로 들
焦糖芝士蛋糕牛角包窝夫
Caramel Cheesecake Croffle
最后就系甜品😋
甜品无得拣，只系指定一个口味。
哩个牛角包窝夫实在好邪恶，好好食🤤
有芝士蛋糕同牛角包窝夫，上面有焦糖酱同忌廉，再撒满焦糖碎同放咗一片焦糖饼🤤😍
当我朋友望住佢觉得好滞嘅时候，我已经将佢消灭咗😂
份量两个人share 岩岩好。
成个二人餐份量好大，三个人食都够。
两个主菜都系属于creamy，仲有炸鸡。加上商场冷气太大，啲食物好快就吹冻哂，食落就更加腻。
最后我哋食唔哂要pack 走。
餐厅唔系做传统韩国菜，唔会有小菜小碟。
但好处系餐厅座位属于商场嘅一部分，唔会好似平时韩国餐厅好太阵油烟味。
想静静哋食个饭，又唔想排队等位，可以考虑黎哩度试下🍴
张贴
