潮丸 (已結業)

潮丸，听个名以为系食D好潮既小丸子之类，原来唔系，此潮乃潮州也。作为一个潮州人，就入去睇下有几潮。同我食开既潮州打冷餐厅唔一样，餐厅装修都几潮，光猛干净，桌櫈新束束，靠门口的几张枱有梳化可以坐。叫了一碗牛三鲜，一碗猪三鲜，一碟卤水拼盘，一份净猪手。除左潮州辣椒油，餐厅仲提供黄灯龙椒同红灯龙椒，鱼露同红醋更系潮州野不可缺少既调味料，所以完全感到餐厅有几潮，几咁有诚意同贴心。牛三鲜有牛丸，牛肚，牛坑腩。牛丸真系好弹，果然系名符其实既手打牛丸，坑腩好爽，带少少肥，非常口味。牛肚炆得好冧，好入味，牛三鲜果然好掂。由于朋友唔食牛，所以叫猪三鲜。猪三鲜有五花腩，扎肉，猪肉丸。五花腩卤水好好味，瘦肉同肥膏系黄金比例，肥膏唔会好多，咬落去好爽，唔会感觉好肥腻。猪肉丸都好弹，果然潮丸既丸系非同凡响。大家都以为扎肉系越南野，其实潮州都有扎肉，系好正宗既潮。卤水拼盘既卤水汁好掂，每一样野都卤得好入味，猪手好冧，但猪皮仲好脆。猪大肠入面D肥膏切走晒，变得无咁邪恶，但依然系好爽口同好味。豆干唔会好硬，配埋卤水汁好好味。由于猪手实在太好味，最后忍唔住叫多份净猪手食